Comercio Xusto

Co establecemento de relacións comerciais a longo prazo garántese a venda da producción e a estabilidade de prezos.
You are here: Inicio
  • Narrow screen resolution
  • Wide screen resolution
  • Decrease font size
  • Default font size
  • Increase font size
O Comercio Xusto incorporase á axenda do Parlamento Europeo

parlamento20europeo.jpgO Parlamento Europeo adoptou unha resolución o pasado 27 de setembro sobre a Nova Política de Comercio, parte da Estratexia de Europa 2020. A resolución responde á proposta que fixo a Comisión Europea acerca dunha nova política de comercio para a UE. Na súa resolución, o Parlamento Europeo ha reclamado de novo con claridade da Comisión Europea que garanta políticas coordinadas que fomenten ao Comercio Xusto.

O Parlamento Europeo foi moi claro e consistente nas súas repetidas chamadas á Comisión Europea para que esta asegure políticas coordinadas a favor do Comercio Xusto, incluíndo a Resolución do Parlamento Europeo sobre Comercio Xusto e desenvolvemento.

Ler máis...
 
Brasil é o primeiro país en recoñecer o Comercio Xusto no plano institucional e lexislativo

luiz-inacio-lula-da-silva-1-2.jpgO pasado 17 de novembro durante a reunión plenaria do Conselho Nacional de Economia Solidaria (CNES ) en Brasilia, o Presidente do Brasil aproveitou para asinar o decreto que así o fai efectivo. Con este decreto será posible consolidar e ampliar as políticas públicas para o sector e tornar permanentes as conquistas dos traballadores brasileiros, segundo diso Lula Da Silva durante o acto de sinatura.

 

O Sistema Nacional do Comercio Xusto e Solidario é un conxunto de parámetros a ser seguidos na execución de políticas públicas viradas à xeración de traballo e renda por medio de accións de promoción da economía solidaria e do comercio xusto. Entre os seus obxectivos están: apoiar procesos de educación para o consumo con vistas à adopción de hábitos sustentábeis e à organización dos consumidores para a compra dos produtos e servizos do comercio xusto e solidario; fortalecer unha identidade nacional de comercio xusto e solidario, por medio da difusión do seu concepto e do exercicio das prácticas que lle son inherentes; e favorecer a práctica do prezo xusto para quen produce, comercializa e consome.


 
Ler máis...
 
A Distribuidora de Comercio Xusto de Amarante supera o centenar de clientes
AMARANTE Setem puña en marcha no ano 2004 a primeira distribuidora de Comercio Xusto en Galicia que ademais de distribuír produtos de outras organizacións de fora da nosa comunidade iniciou a importación directa e etiquetada en galego de produtos de comercio xusto desde os países do sur. Hoxe seis anos despois son máis de un centenar as empresas, colectivos e institucións que apostan por produtos con xustiza e calidade que distribúe AMARANTE Setem. A organización galega de Comercio Xusto quere dar un novo pulo a este traballo de comercialización e a partir do próximo mes de novembro vai a estrear unha nova sede en Pontevedra onde ademais da tenda e sede do grupo local de AMARANTE conta cunhas amplas instalacións onde se ubicará a distribuidora. O novo local sito na rúa de San Roman 9 conta con dúas plantas e a súa amplitude vai permitir que o local de AMARANTE tamén acolla  unha sala de exposicións e centro de recursos e actividades.
Ler máis...
 
O Comercio Xusto volve á Casa da Xuventude de Ourense

Tras 10 anos da primeira experiencia na cidade de Ourense polo colectivo AUGASQUENTES, o Comercio Xusto volve a Casa da Xuventude.

 

AMARANTE vai poñer un stand con produtos de Comercio Xusto e con información sobre Consumo Responsable tódolos martes de 18,30 a 20,30 horas na Casa da Xuventude de Ourense ( na rúa Celso Emilio Ferreiro ).

 

O próximo martes 5 de outubro ás 18,30 horas inauguramos o stand convidando a chocolatada e a bolachas.

 

Contamos coa túa presenza no hall da Casa de Xuventude de Ourense onde a partir de agora poderasnos atopar tódolos martes.

 
A presión obliga a Lidl a retirar publicidade enganosa

lidl_logo.jpgA cadea de desconto Lidl, a partires da denuncia interposta por organizacións sociais, retirou recentemente en Alemaña unha publicidade enganosa na que afirmaba que os produtos de téxtil de venta en Lidl, procedentes de Bangladesh, respectaban o dereito das traballadoras. A denuncia por publicidade enganosa foi presentada o pasado 6 de abril pola organización Verbraucherzentrale (Organización de Consumidores de Hamburgo) contra Lidl. A transnacional formalmente aceptou non voltar a proclamar ós catro ventos condicións de traballo xustas na súa publicidade.


Apoiada pola campaña de roupa limpa de Alemaña (CRL Alemaña) e o Centro Europeo para os Dereitos Humanos e Constitucionais (ECCHR). Ámbalas organizacións achegaron probas concluíntes que demostraban que nas fábricas téxtiles de Bangladesh, provedoras de Lidl as traballadoras sufriron graves violacións dos seus dereitos laborais, incluídas horas extraordinarias excesivas cunha compensación escasa e pouco transparente, deducións nas nóminas como castigo, prohibicións de sindicatos, e discriminacións por razón de xénero. Estas condicións de traballo violan as Convencións da Organización Internacional do Traballo, o código de conduta do BSCI e as obrigacións en materia de responsabilidade social auto-impostas por Lidl.


Despois de negarse durante un tempo a cambiar as súas afirmacións, Lidl terá agora que corrixir a súa publicidade, e, ademais, non poderá empregar a súa pertenza á iniciativa corporativa Business Social Compliance Initiative (BSCI) na súa publicidade. O BSCI é unha iniciativa europea en materia de Responsabilidade Social nas cadeas de subministro globais que cada vez gaña máis participación entre as transnacionais europeas, proclama que o seu obxectivo é que as empresas provedoras cumpran cos estándares sociais e ambientais, sendo unilateral, marxina o papel de sindicatos e ongs, con normas que non son obrigatorias para os seus membros nin para os seus provedores.


+ información en Roupa Limpa

 
Presentada en Galicia a Campaña ASIAN FLOOR WAGE

carteldereitos.jpgDurante a celebración das Xornadas sobre Dereitos Humanos Laborais, coorganizada entre AMARANTE Setem e a Universidade de Santiago de compostela presentouse a Campaña ASIAN FLOOR WAGE (salarios dignos en Asia ) AFW. 

Tratase dunha alianza internacional para conseguir que empresas e países e organismos internacionais consigan aprobar ou acordar un salario mínimo vital común para todos os países de Asia que teñen produción téxtil e que non exista unha competencia á baixa a través dos custes laborais ou sexa que os salarios baixos non sexan unha arma de atración para que as empresas producan nun país ou outro.      

Obxectivo concreto: frear a competencia á baixa ó cal están sometidas as condicións laborais das traballadoras. 

Dirixida: empresas transnacionais e governos.   

Resumo: Asia concentra o 60% da produción mndial de roupa e emprega ao redor de cen millóns de traballadores en Asia, moitos dos cales son mulleres. A pesar do papel central que desempeñan nesta industria, os e as traballadoras gañan ao redor da mita do que necesitarían para satisfacer as necesidades das súas familias.

Ler máis...
 
O acordo FLO e EROSKI para unha liña de algodon de Comercio Xusto supon un fraude

A  Asociación polo Selo de Comercio Xusto (FLO ) Bangladeshe  a empresa de distribución Eroski anunciaron recentemente o lanzamento dunha liña infantil de pezas de roupa baixo a marca “Cherokee” realizadas con algodón orgánico certificado co selo de Comercio Xusto.  AMARANTE Setem amosa o seu malestar  pola concesión do selo e o acordo acadado, pois este non asegura que a peza de vestir que se merque estea fabricada en condicións de respecto aos dereitos humanos na produción e xenera confusión na persoa consumidora ó vencellar esta marca e a súa publicidade co comercio xusto cando solo ten certificado o seu algodón. 

Ler máis...
 
<< Inicio < Ant. 1 2 3 4 5 6 7 8 Seg. > Remate >>

Resultados 1 - 13 de 92
 

Campañas

cafe
roupa
finazas
CouD

Redes

coord_est
news
selo
ifat
espazocx

Usuario/a






Esqueceches o contrasinal?
pol_ling